The Godfather (1972) Sinhala Subtitles [සිංහල උපසිරැසි සමඟ]

The Godfather Sinhala Sub
The Godfather Sinhala Subtitles
The Godfather 1972 Sinhala Sub
The Godfather 1972 Sinhala Subtitles
The Godfather (1972) Sinhala Subtitle

සිනමා රසිකයෙකු විසින් අනිවාර්යයෙන්ම නැරඹිය යුතු බවට අවිවාදිත චිත්‍රපටයක් තමයි Godfather කියන්නේ. 1969’දී මාරියෝ පුසෝ අතින් ලියැවුණු Godfather 1972‘දී සිනමාරූඪ වෙනවා. ඒ ෆ්‍රැන්සිස් ෆෝඩ් කොපොල්ලා ගේ අධ්‍යක්ෂණයෙන්. මෙහි Marlon Brando දොන් වීටෝ කොර්ලියෝනි ලෙසත්, Al Pacino මයිකල් කොර්ලියෝනි ලෙසත් රංගනයෙන් දායක වෙනවා. එම වසරේ Academy Awards උළෙලේ’දී හොඳම චිත්‍රපටය, හොඳම නළුවා, හොඳම අනුසැකසූ තිරරචනය යන සම්මාන තුනම හිමි කරගන්නවා. තවත් නිර්දේශ වීම් රාශියකුත් ලබනවා.

මේ චිත්‍රපටය නිර්මාණය කරන්නට අරඹද්දී කොපොල්ලා කියන්නේ කිසිවෙකුත් නොහඳුනන සුළු අධ්‍යක්ෂකවරයෙක්. නමුත් මේ නිර්මාණයෙන් පසුව කොපොල්ලා හොලිවුඩයේ ඉහළතම, දක්ෂතම අධ්‍යක්ෂකවරුන් අතරට පිවිසෙනවා. මේ වකවානුව වන විට ජනප්‍රියව තිබූ ‘අපරාධ’ චිත්‍රපට වලට පරස්පරව යමින් වෙනත්ම ආකාරයකට ගොඩනැංවුණු මේ චිත්‍රපටය, අති විශිෂ්ට එකක්. නිව්යෝක් නගරයේ වඩාත්ම දරුණුතම, සාහසිකම මැර හවුල හිමි පවුල ගැන කියවෙන කතාවක් අඩංගු වන්නක් වුවත් මෙය කෙතරම්නම් ජනප්‍රිය වූවාද කිවහොත් ඒ වකවානුව තුළ චිත්‍රපටයක් හිමිකරගත් ඉහළතම ආදායම් වාර්තාවට හිමිකම් කියන්නටත් සමත් වුණා. එමෙන්ම තවත් Box-Office වාර්තා රාශියකටම හිමිකරු වුණා. අපරාධ චිත්‍රපටයක් වුවත් මෙහි ඇති අගය කෙතරම් උසස්’දැයි යන්න වටහා ගැනීමටනම් ඔබට මෙය නරඹන්නටම වෙනවා. මට වුණත් බලද්දී නොදැනුණු පුදුම හරයක්, ගැඹුරක් සහ ආකර්ෂණයක් මේ තුළ ඇති බව වැටහුණේ මෙහි උපසි‍රැසිය සකස් කරනා විටයි.

ඉතිං මෙහි කතාව ගෙතෙන්නේ නිව්යෝක් නගරයේ වෙසෙන බලගතුම, දරදඬුම මැර හවුල හිමි පවුල වටායි. එම පවුලේ ව්‍යාපාරික කටයුතු, ඔවුනගේ සමාජ තත්ත්වය, සමාජ බලය මෙන්ම ඔවුනගේ ක්‍රියාකාරකම් තමා මේ චිත්‍රපටයට පාදක වන්නේ. මෙය අපරාධ චිත්‍රපටයක් වුවත් අතිශය සමාජ වටිනාකමක් සහිත වූවක්. ඔද්දල් වූ දේශපාලනික රටාව, ගඳගහන සමාජ ක්‍රමය සහ කිළිටි වූ ආර්ථික තත්ත්වය මේ ඔස්සේ මැනවින් නිරූපණය කෙරෙනවා. කොටින්ම මෙය සූක්ෂ්ම ලෙස සමාජය විවරණය කරන සිනමාවක්.

මේ චිත්‍රපටයේ විශිෂ්ට බව ගැන සැබෑම ඇමෙරිකානු අපරාධ කල්ලි සාමාජිකයන් පැවසූ අදහස් වලින්ම පෙනී යනවා. ඇතැමෙක් මෙය නැරඹූ පසුව ‘ඒ තුළ තමාද සිටි බව’ පවසා තිබෙනවා. තවෙකෙක් පවසා ඇත්තේ ‘මේ චිත්‍රපටය තමාගේ ජීවිතයටම බලපෑමක් කළ බවයි’. තවත් සමහරෙක් මෙය නැරඹීමෙන් පසුව ‘මෙහි දැක්වෙන ප්‍රධාන චරිතය වන වීටෝ කොර්ලියෝනි අනුකරණය කිරීමටත්, ඔහුගේ කථා විලාශයට අනුගත වීමටත් කටයුතු කළ බව’ පවා සඳහන්. කොටිම්ම මේ චිත්‍රපටය අපරාධ කල්ලියක යථා ස්වභාවය එකෙහෙළා හෙළිදරව් කරන්නා වූ ඉතාමත්ම තාත්වික සහ යථාර්ථවාදී වූවක් බව එම සාධක වලින්ම හෙළි දරව් වනවා. දැනට ජාලගත සිනමා දත්ත සමූහය හෙවත් IMDb‘හි දෙවන තැන හිමිකරගෙන සිටින මෙම සිනමා පටය සිනමාවේ ගවේෂණාත්මකත්වය සහ භාරදූරත්වය මැනවින් කියාපාන්නක් ලෙස හැඳින් විය හැකියි.

(බයිස්කෝප් වෙබ් අඩවියේ පලවූ ලිපිය)

පරිවර්තනය හා උපසිරැසි ගැන්වීම “උදා”